İqlim dəyişikliyi fonunda ağcaqanadların yayılması dang qızdırması hallarının artmasına səbəb olur.
E-saglam.az xəbər verir ki, rusiyalı həkim Myasnikov bu həşəratlar vasitəsilə keçən ən məşhur xəstəliklərin adını çəkdi.
Malyariya - Ən çox yayılmış və təhlükəli xəstəliklərdən biridir. Ekspertin sözlərinə görə, qansoran dişləməsi nəticəsində yaranan infeksiya hər il yüz minlərlə insanın ölümünə səbəb olur.
Dang qızdırması - Tropik və subtropik bölgələrdə geniş yayılıb və yüksək hərarət, oynaq və əzələ ağrıları və potensial ölümcül hemorragik sindroma səbəb ola bilər.
Zika qızdırması - İnfeksiya adətən yüngül keçir, lakin hamilə qadınlar üçün son dərəcə təhlükəlidir və ciddi fetal malformasiyalara səbəb ola bilər.
Sarı qızdırma - Xəstəlik qızdırma, qaraciyərin zədələnməsi və digər ağır simptomlara səbəb olur.
Çikungunya qızdırması - İnfeksiya qızdırma və şiddətli oynaq ağrılarına səbəb ola bilər.
Qərbi Nil qızdırması - Çox vaxt xəstəlik asimptomatikdir, lakin bəzi hallarda ensefalit və meningit də daxil olmaqla ciddi nevroloji ağırlaşmalara səbəb ola bilər.
Filarioz - Bu, limfedema və filiyaza (limfatik filariaz) səbəb ola bilən parazitar xəstəlikdir.
Tərcümə: Könül Oruc
