"Həkimlik fəaliyyətim boyu mən andıma sadiq qalmışam və insanlığa həsr olunmuş peşəkar həyat sürmüşəm".
E-saglam.az xəbər verir ki, bu sözləri o, öz sosial şəbəkə hesabında qeyd edib:
"Üzvü olmaqdan hər zaman qürur duyduğum türk millətinin və xalqının sağlamlığı, gələcək nəsillərə ötürüləcək güclü genlərin mahiyyəti mənim könüllü borcum oldu.
Dəyərli insanlarımıza da, yaşıma da, ömrümə də bəllidir ki, mənim 82 illik ömrümün, 64 illik peşə həyatımın zirvəsində başqa gələcəyim ola bilməz.
Mənim son və yeganə idealım həyatım və sağlamlığım imkan verdiyi müddətcə şəfa axtaranlara həqiqət mirası qoymaq olacaq.
Sevgi və sağlıqla qalın...
Prof. Dr. Canan Əfəndigil Karatay"
Qeyd edək ki, sosial mediada sağlamlıqla bağlı açıqlamaları ilə müzakirə obyektinə çevrilən Prof. Dr. Canan Karatay "peşədən məhrum edilməsi" tələbi ilə 9 yanvar tarixində məhkəmədə hakim qarşısına çıxacaqdı. Hələ ki, məhkəmənin nəticəsi ilə bağlı məlumat verilməyib.
Tərcümə: Könül Oruc
