Nevroloq Seliya Qarsiya Malo gecə altı saatdan az yatmağın fəsadları barədə xəbərdarlıq etdi.
E-saglam.az xəbər verir ki, Malonun sözlərinə görə, əgər insan altı saatdan az yatırsa, ertəsi gün onun vəziyyəti sərxoş birinin vəziyyəti ilə müqayisə edilə bilər. Nevroloq kifayət qədər yatmayan insanları avtomobil idarə etməkdən çəkinməyə çağırdı, çünki bu, sərxoş vəziyyətdə avtomobil idarə etmək qədər təhlükəli ola bilər:
"Xroniki yuxu çatışmazlığı bədəni stress vəziyyətinə salır. Gecə altı saatdan az yatmaq beyində informasiya emalının pozulmasına səbəb olur və müxtəlif xəstəliklərin inkişaf riskini artırır".
Mütəxəssis yekun olaraq bildirib ki, yuxu, qidalanma və ya idman kimi, sağlamlığın əsas sütunu olaraq qalır və onun çatışmazlığı çox ciddi idrak, emosional və metabolik nəticələrə səbəb olur.
Tərcümə: Könül Oruc
