Prostat böyüməsi kişilərdə yaşlandıqca tez-tez rast gəlinən sağlamlıq problemi sayılır.
E-saglam.az xəbər verir ki, Medipol Acıbadem Region Xəstəxanasından Prof. Dr. Ramazan Gökhan Atış, bu vəziyyətin erkən diaqnoz və müalicəsinin vacibliyini vurğulayır.
Simptomlar və erkən diaqnoz
Tez-tez sidiyə çıxma, sidik axınının zəifləməsi və natamam boşalma hissi prostat böyüməsinin əsas əlamətləridir. Xüsusilə genetik meyli olan kişilərdə 45 yaşdan etibarən mütəmadi müayinə tövsiyə edilir. Erkən diaqnoz üçün PSA qan testi və fiziki müayinələr əsas rol oynayır.
Müalicə üsulları
Müalicə prostatın ölçüsünə və xəstənin ümumi sağlamlığına əsaslanır. Kiçik ölçülü prostat üçün qapalı əməliyyatlar, daha böyük ölçülər üçün isə lazer texnologiyaları tətbiq olunur. Prostat xərçəngində isə radikal əməliyyat və onkoloji nəzarət vacibdir.
Qidalanma və həyat tərzi
Prostat böyüməsi riskini azaltmaq üçün balqabaq tumu və pomidor kimi qidalar tövsiyə edilsə də, hormonal dəyişikliklərə görə bu problemi tam qarşısını almaq mümkün deyil.
Daimi uroloji müayinələr həyat keyfiyyətini qorumaq üçün əvəzolunmazdır.
Tərcümə: Könül Oruc
