Son illərdə vitamin əlavələrinə maraq artsa da, mütəxəssislər onların şüursuz istifadəsinin sağlamlıq üçün risklər yarada biləcəyini bildirirlər.
E-saglam.az xəbər verir ki, funksional tibb həkimi Dr. Jaban Mur bəzi vitamin əlavələrinin potensial zərərləri barədə xəbərdarlıq edib.
Vitamin B12
Bu vitamin sinir sistemi və qırmızı qan hüceyrələrinin istehsalı üçün vacibdir. Dr. Mur, B12-nin sintetik forması olan siyanokobalaminin tərkibində siyanid olduğunu və əlavə detoksifikasiya tələb etdiyini bildirir. Bunun əvəzinə metilkobalamin qəbul etməyi tövsiyə edir.
Maqnezium əlavələri
Maqnezium orqanizmdə bir çox funksiyanı dəstəkləyir. Lakin Dr. Mur bildirir ki, maqnezium oksidi və maqnezium sitrat işlədici təsir göstərə bilər. Daha təsirli və rahat həzm olunan maqnezium glisinatı seçmək tövsiyə olunur.
Dəmir əlavələri
Dəmir orqanizmdə oksigenin daşınmasında mühüm rol oynayır. Dr. Mur, dəmir sulfatın həzm problemlərinə səbəb ola biləcəyini bildirir və daha yaxşı mənimsənilən dəmir bisglisinatı və ya heme dəmiri seçməyi məsləhət görür.
Vitamin və minerallar faydalı olsa da, düzgün seçim və dozaj sağlamlıq üçün vacibdir. Əlavə qəbul etməzdən əvvəl etiketləri diqqətlə oxumaq və mütəxəssis məsləhəti almaq tövsiyə olunur.
Tərcümə: Könül Oruc
