62 yaşlı Əzizə Okurların 15 illik şiddətli boyun, qulaq və boğaz ağrılarının səbəbi nadir bir xəstəlik - "qartal sindromu" olub.
E-saglam.az xəbər verir ki, boyun ağrılarının mənbəyi qulaq arxasındakı sümüyün 3 santimetr uzanması ilə bağlı idi. Bu xəstəlik nadir hallarda rast gəlinir və ağrıların səbəbini tapmaq uzun illər tələb edir.
Nevroloqun məsləhəti ilə Qulaq Burun Boğaz (KBB) mütəxəssisinə müraciət edən Okurların MRT müayinəsində, uzanan sümüyün ətraf toxumalara batdığı və ağrıya səbəb olduğu təsbit edilib. Əməliyyat üçün o, Mersinin Tarsus rayonundakı bir xəstəxanaya müraciət edib. KBB mütəxəssisi Op. Dr. Hüseyn Kəskin tərəfindən aparılan əməliyyatla artıq sümük çıxarılıb.
Əzizə Okurlar əməliyyatdan sonra yaşadıqlarını belə izah edib: "15 il ərzində boynumda, qulağımda və boğazımda dözülməz ağrılar var idi. Gecələr başımı hərəkət etdirmək mümkün deyildi. Nəhayət, doğru diaqnoz və əməliyyatla ağrılarımdan tamamilə xilas oldum".
Bu uğurlu əməliyyat nadir xəstəliklərin vaxtında diaqnozunun və müalicəsinin vacibliyini bir daha vurğulayıb.
Tərcümə: Könül Oruc
