Birləşmiş Millətlər Təşkilatı (BMT) 100 yaşdan yuxarı insanların sayında əhəmiyyətli artım müşahidə edir. 1990-cı ildə 100 yaşdan yuxarı cəmi 92 min nəfər var idisə, 2021-ci ildə bu rəqəm 621 minə çatıb.
E-saglam.az xəbər verir ki, təbii ki, genetik faktorlar və həyat tərzi böyük əhəmiyyət kəsb edir, lakin mütəxəssislər bəzi psixoloji amillərin də uzunömürlülüyə təsir etdiyini düşünürlər.
İspaniyanın Madrid Universitetindən akademik Maria Dolores Merino illərdir yaşı 100-dən yuxarı olan insanları müşahidə edir.
O, son araşdırmalarından birində uzunömürlü insanların bəzi ümumi xüsusiyyətlərini səkkiz kateqoriyaya qruplaşdırıb.
1. Fitnes və canlılıq
100 yaşdan yuxarı olanların ən xarakterik xüsusiyyətlərindən biri fitnesdir. Özünü canlı və enerjili hiss etmək istəyi mühüm psixoloji amildir.
2. Qarşılıqlı əlaqə, ünsiyyət qurmaq istəyi
Araşdırmalar göstərir ki, 100 yaşdan yuxarı insanlar ümumiyyətlə ictimailəşməyə həvəslidirlər.
3. Fədakarlıq və məqsəd
100 yaşdan yuxarı insanların başqa bir ümumi xüsusiyyəti fədakarlıqdır.
4. Dözümlülük
Uzun ömrün “sirləri” arasında dözümlülük və çətinliklərin öhdəsindən gəlmək gücü önə çıxır.
5. Həyata nəzarət etmək
Digər psixoloji ortaq cəhət isə 100 yaşdan yuxarı insanların ümumiyyətlə öz qərarlarını vermələri və həyatlarına nəzarət etmələridir.
6. İntellektual motivasiya
Aktiv beyin, maraq, öyrənmək istəyi və özünütəhsil tədqiqatçıların 100 yaşdan yuxarı insanlarda müşahidə etdiyi xüsusiyyətlərdir.
7. Pozitiv olmaq
100 yaşı tamam olanların dünyagörüşü əhəmiyyətli dərəcədə müsbətdir. Siz demək olar ki, 100 yaşdan yuxarı adamın "kaş həyatda olmasaydım" dediyini eşitməzsiniz. Amma 40 yaşlılardan "özünüzü 100 görmək istəyirsinizmi?" - deyə soruşa bilərsiniz. “Soruşsanız, çoxu “yox” deyəcək”.
8. Anlayış və qavrama
Nəhayət, daha uzun ömür sürənlərdə müşahidə edilən başqa bir ümumi xüsusiyyət də anlama gücüdür.
Könül Oruc
