E-saglam.az xəbər verir ki, 12 yaşından başlayaraq başgicəllənmə, huşunu itirmə və həzm problemləri ilə mübarizə aparan gənc qadının bağırsaqlarının 3 metrlik hissəsi çıxarılıb. O, yalnız venadaxili (IV) qidalanma ilə yaşayır.
Holland 18 yaşında Otoimmün Avtonom Qanqlionopatiya diaqnozu alıb. Bu nadir xəstəlik immun hüceyrələrin sinirlərə hücum etməsinə səbəb olur və xəstələrin ömrünü ciddi şəkildə məhdudlaşdırır. Müalicə üçün yüksək dozada steroid qəbul edən Hollandın sümükləri kövrəkləşib, TPN sistemi ilə qidalanır, lakin bu metod infeksiya və damar problemləri kimi risklər daşıyır. Buna baxmayaraq, o, xəstəliyi ilə mübarizə aparan digər insanlara dəstək olmağa çalışır.
Tərcümə: Könül Oruc
