Yuxusuzluq dünyada geniş yayılmış problemdir və bir çoxları müxtəlif üsullara əl atır.
E-saglam.az xəbər verir ki, lakin Oksford Universitetinin tədqiqatçısı Rachel Sharman xəbərdarlıq edir: özünüzü yatmağa məcbur etməyin!
"Yata bilmirsinizsə, yataqda qalmaq əvəzinə qalxıb sakit bir yerdə oturun və kitab oxuyun. Yuxunuz gələndə yatağa qayıtmaq daha yaxşıdır," – deyə o bildirir. Əks halda, beyniniz yataq otağını yuxu deyil, oyaqlıqla əlaqələndirəcək.
Daha yaxşı yuxu üçün nə etməli?
Rejimə riayət edin: Hər gecə eyni vaxtda yatmağa çalışın.
İstirahət mühiti yaradın: Yatmazdan ən azı 1 saat əvvəl işıqları söndürün, kitab oxuyun, yemək yeməyin.
Yataq otağını uyğunlaşdırın: Otaq sakit, qaranlıq və təxminən 19°C temperaturda olmalıdır.
Yuxuya prioritet vermək və düzgün vərdişlər formalaşdırmaq sağlam yuxunun əsas şərtlərindəndir.
Tərcümə: Könül Oruc
