Yoqa, nəfəs və hərəkətin harmoniyası ilə yalnız bədəni gücləndirmir, həm də yuxu keyfiyyətini artırır.
E-saglam.az xəbər verir ki, Çindəki Harbin İdman Universitetinin apardığı 30 randomizə olunmuş klinik sınağın meta-analizi göstərib ki, yüksək intensivlikli yoqa gəzinti, müqavimət məşqləri, aerobik idman, eləcə də ənənəvi Çin məşqləri (qi-qonq, tai çi) ilə müqayisədə yuxunu daha çox yaxşılaşdırır.
Araşdırmanın əsas nəticələri:
-
Həftədə iki dəfə, 30 dəqiqədən az yoqa zəif yuxu üçün ən təsirli məşq hesab olunur.
-
Ən yaxşı nəticələr 8–10 həftə ərzində müşahidə olunub.
-
Yoqadan sonra ikinci yerdə gəzinti, ardınca isə müqavimət məşqləri gəlir.
-
Yoqa nəfəsin tənzimlənməsi ilə parasempatik sinir sistemini aktivləşdirə, beyin dalğalarını sabitləşdirərək daha dərin yuxuya kömək edə bilər.
Bununla belə, tədqiqatçılar qeyd edirlər ki, hər kəsin bədəni və beyni fərqlidir, ona görə də yuxusuzluğa qarşı universal həll yoxdur. Yoqa isə mövcud seçimlər arasında ümidverici yollardan biridir.
Araşdırma Sleep and Biological Rhythms jurnalında dərc olunub.
Tərcümə: Könül Oruc
