"Chanel" brendinin kişi ətiri olan "Allure Homme" sağlamlıq üçün təhlükəli hesab edilən maddəyə görə Avropa İttifaqı ərazisində satışdan çıxarılıb.
E-saglam.az xəbər verir ki, bu barədə Avropa İttifaqının rəsmi saytında məlumat dərc olunub.
Məlumata əsasən, ətirin bir partiyasında kosmetik məhsullarda istifadəsi Aİ-də qadağan edilmiş lilial adlı maddə aşkarlanıb.
Ətirə xoş qoxu vermək üçün istifadə olunan bu komponentin reproduktiv sistemə mənfi təsir göstərə, həmçinin güclü dəri allergik reaksiyalarına səbəb ola biləcəyi bildirilir.
Oxu.Az
