“Xroniki yuxu çatışmazlığı insanları daha əsəbi və səbirsiz edir”.
E-saglam.az xəbər verir ki, bunu yuxu mütəxəssisi Sofi Bostok “Metro” nəşrinə deyib.
Bostok qeyd edib ki, 2000 nəfərin iştirakı ilə aparılan araşdırmada iştirak edənlərin yarıdan çoxunun (51%) yorğunluq səbəbiylə özünü daha qəmgin və əsəbi hiss etdiyini, 42% daha az səbirli olduğunu, 7% isə hirsli olduğunu bildirib:
“Yuxumuz və davranışımız bir-biri ilə sıx bağlıdır. Yuxu çatışmazlığı beynin emosional idarəetmə mərkəzlərini dəyişdirərək, bizi stressə daha həssas edir və özümüzə nəzarət etmək qabiliyyətini azaldır”.
O əlavə etdi ki, xroniki yuxu çatışmazlığı insanın şəxsiyyətini və davranışını sözün əsl mənasında dəyişə bilər. Bu vəziyyətdə insanlar xırda şeylərə görə ağlaya və ya özünü itirə bilər.(yeniavaz.com)
