"Dünyada fəlsəfə doktoru (phd) elmi dərəcəsi olan adamların hamısı əsl alim deyil".
E-saglam.az APA-ya istinadən xəbər verir ki, bunu Bakıda "Tərəfdaşlıqdan Tərəqqiyə" şüarı ilə keçirilən Təhsilin İnkişafı Forumunda elm və təhsil naziri Emin Əmrullayev çıxışı zamanı deyib.
"Biz belə elmi dərəcəsi olanlara - "siz alim deyilsiniz", - deməkdən qorxmalı deyilik. Alimin elmi tədqiqatı olmalıdır", - deyə nazir qeyd edib.
O bildirib ki, bu aydan başlayaraq 100-dən artıq alimə mükafatlar veriləcək:
"Bu hələ başlanğıcdır və davam edəcək".
Qeyd edək ki, mükafatlar 700 manatdan 1000 manatadək nəzərdə tutulub.
