İcbari Tibbi Sığorta üzrə Dövlət Agentliyi “Tibbi Ərazi Bölmələrini İdarəetmə Birliyi”nin (TƏBİB) tabeliyindəki tibb müəssisələrinə həkim-mütəxəssislərin (o cümlədən xaricdə təhsil almış) işə qəbulunu elan edib.
E-saglam.az xəbər verir ki, TƏBİB tabeliyindəki aşağıdakı tibb müəssisələrinə işə qəbul olmaq istəyən həkim-mütəxəssislər anket formasını dolduraraq tələb olunan sənədlərin elektron nüsxələri ilə birlikdə [email protected] elektron poçt ünvanına göndərə bilərlər.
Elektron poçtun “mövzu” bölməsində müraciət edilən vəzifənin və tibb müəssisəsinin adı qeyd edilməlidir. Namizəd bir neçə tibb müəssisəsinə müraciət etmək istədiyi halda, hər tibb müəssisəsi üzrə ayrı-ayrılıqda müraciət etməlidir.
| "Sumqayıt Tibb Mərkəzi" PHŞ | Həkim-ümumi cərrah |
| Həkim-anestezioloq-reanimatoloq | |
| Həkim-kardioloq | |
| Şüa diaqnostikası üzrə həkim (Həkim-rentgenoloq) | |
| Həkim-infeksionist | |
| Həkim-neyrocərrah | |
| Həkim-mama-ginekoloq | |
| "Nərimanov Tibb Mərkəzi" PHŞ | Həkim-ümumi cərrah |
| Həkim-anestezioloq-reanimatoloq | |
| Həkim-radioloq | |
| Həkim-plastik cərrah | |
| "Akademik.M.Ə.Mirqasımov adına Respublika Klinik Xəstəxanası" PHŞ | Həkim-travmatoloq-ortoped |
| Həkim-mama-ginekoloq | |
| Həkim-pediatr | |
| Həkim-uroloq | |
| Həkim-ümumi cərrah | |
| "Xəzər Tibb Mərkəzi" PHŞ | Həkim-psixiatr |
| Həkim-terapevt | |
| Həkim-kardioloq | |
| Həkim-endokrinoloq | |
| Həkim-otorinolarinqoloq | |
| Həkim-anestezioloq-reanimatoloq | |
| Təcili və təxirəsalınmaz tibbi yardım üzrə həkim | |
| Mərkəzi Neftçilər Xəstəxanası | Həkim-terapevt |
| Həkim-qastroenteroloq | |
| Həkim-pediatr | |
| Həkim-anestezioloq-reanimatoloq | |
| Həkim-fizioterapevt | |
| Həkim-uroloq | |
| Təcili və təxirəsalınmaz tibbi yardım üzrə həkim |
Həkim-mütəxəssis vəzifəsi üzrə tələb olunan sənədlərin siyahısı:
- şəxsiyyətini təsdiq edən sənəd;
- əsas (baza ali) tibb təhsili haqqında sənəd (diplom) (xarici dövlətlərin ali tibb təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla);
- xarici dövlətlərdə təhsil alan şəxslər üçün işə buraxılma haqqında şəhadətnamə (namizədin işə qəbulunun rəsmiləşdirilməsi zamanı tələb olunacaq);
- sertifikasiya şəhadətnaməsi (sertifikasiyadan keçməkdən qanunvericiliklə nəzərdə tutulmuş azad olma halları istisna olmaqla);
- əmək kitabçası (namizədin işə qəbulunun rəsmiləşdirilməsi zamanı tələb olunacaq);
- elmi dərəcə və elmi ad haqqında dövlət sənədi (olduğu halda);
- xarici dil və kompüter biliklərini təsdiq edən sənəd (olduğu halda);
- seminar/konfranslarda iştirak etməni təsdiq edən sənəd (olduğu halda).
Sənəd qəbulu martın 7-dək davam edəcək.
