Spirtli içki qəbul etməzdən əvvəl yağ və zülalla zəngin qidalar, xüsusilə pendir, mədəni qorumağa və spirtin mənfi təsirlərini azaltmağa kömək edə bilər.
E-saglam.az xəbər verir ki, həkimlərin fikrincə, balanslı qidalanma spirtin qana qarışmasını yavaşladır və ertəsi gün yaranan narahatlıqları azaldır.
Alkoqolun təsiri və təhlükələri:
Alkoqol tez qan dövranına daxil olaraq sinir sisteminə təsir edir və müvəqqəti pozğunluqlar yaradır. Həddindən artıq istehlak baş ağrısı, ürəkbulanma, qan şəkərinin azalması kimi problemlərə səbəb ola bilər.
Alkoqol kalium və maqnezium kimi vacib mineralları məhv edə bilər. Bədəninizin mineral nisbətini banan, badam və qoz kimi qidalarla tarazlayın.
Nə etməli?
Spirtdən əvvəl: Yağlı və zülallı qidalar qəbul edin. Pendir kimi probiyotik qidalar spirti zərərsizləşdirən təsir göstərə bilər.
Spirtdən sonra: Bədəni bərpa etmək üçün düzgün qidalanma vacibdir:
- Bol su için: Susuzluğun qarşısını alın.
- Minerallarla zəngin qidalar: Banan, badam, qoz istehlak edin.
- Antioksidantlar: C vitamini mənbəyi olan meyvələr yeyin.
- Probiotiklər: Qatıq və kefir mədəni sakitləşdirir.
- Zəncəfil çayı: Həzmi yaxşılaşdırır və iltihabı azaldır.
Bu sadə addımlar spirtin mənfi təsirlərini azaltmağa və bədəni bərpa etməyə kömək edəcək.
Günel
