Hər meyvə soyuducuda saxlanmalı deyil. Bəzi meyvələr var ki, soyuducuya qoyulduqda yetişməyi dayandırır, dadını və teksturasını itirir.
E-saglam.az xəbər verir ki, bu meyvələri bir neçə gün otaq temperaturunda saxladıqda isə həm dadı, həm də keyfiyyəti daha yaxşı olur. Budur, piştaxtada yetişməsi lazım olan 6 meyvə:
1. Banan
Bananlar soyuduqda yetişmə prosesi dayanır. Əgər tam yetişməmişkən soyuducuya qoyulsa, dadı küt, toxuması isə rezin kimi ola bilər. Ən yaxşısı, bananı piştaxtada saxlayaraq təbii şəkildə yetişməsinə imkan verməkdir.
2. Şaftalı
Şaftalılar yalnız otaq temperaturunda tam yetişdikdə şirəli və ətirli olur. Erkən soyuducuya qoyularsa, dadını itirir və bərkiyir.
3. Gavalı
Gavalılar da “daş meyvələr” kateqoriyasına daxildir və soyuducuda deyil, piştaxtada yetişməlidir. Yaxşı yuyulub otaq temperaturunda saxlananda həm dadı, həm də toxuması ideal olur.
4. Nektarin
Şaftalıya bənzər olan nektarinlər də soyuduqda dadını itirə bilər. Əgər desert və ya salat üçün istifadə ediləcəksə, qısa müddətlik soyudula bilər. Ancaq əsasən otaq temperaturunda yetişməsi məsləhətdir.
5. Avokado
Yetişməmiş avokadonu soyuducuya qoymaq onun yetişməsini ləngidir. Ən yaxşısı, onu otaq temperaturunda yumşalana qədər saxlamaqdır. Yetişəndən sonra isə bir neçə gün soyuducuda qala bilər.
6. Tropik meyvələr: Ananas, manqo, kivi
Bu meyvələr otaq temperaturunda daha dadlı və şirəli olur. Əgər kəsilibsə, hava keçirməyən qabda soyuducuda saxlamaq olar. Amma tam yetişməmişkən soyutmaq onların dadını azalda bilər.
Tərcümə: Könül Oruc
