BMC Medicine-də dərc olunan araşdırmaya görə, müntəzəm süd istehlakı, xüsusilə qadınlarda işemik ürək xəstəliyi riskini artıra bilər.
E-saglam.az xəbər verir ki, isveçli tədqiqatçılar gündə 400 ml (bir stəkan lattedəki qədər) süd içən qadınlarda ürək xəstəliyi riskinin 5% artdığını aşkar ediblər.
Tədqiqat, 60 min qadın və 40 min kişini əhatə edib. Məlum olub ki, süddəki laktoza iltihaba səbəb ola bilər, bu da ürək damarlarının daralması ilə nəticələnə bilər. Bununla yanaşı, kişilərin ürək sağlamlığına belə təsir müşahidə olunmayıb.
Professor Karl Michaelsson qeyd edib ki, qadınlarda 300 ml-dən çox süd istehlakı ürək-damar xəstəlikləri riskini artırır. Sağlam qidalanma və balanslı süd istehlakı bu riskləri azaltmaq üçün vacibdir.
Könül Oruc
