İzmir Katip Çələbi Universitetindən Prof. Dr. Alper Şener, saxta spirtin qəbulu ilə bağlı həyati əhəmiyyət daşıyan xəbərdarlıq edib.
E-saglam.az xəbər verir ki, Şener, metanol əsaslı saxta spirtin qəbulundan sonra ilk 6 saat ərzində görmə itkisinin, 24 saat ərzində isə müdaxilə edilməzsə ölümün baş verə biləcəyini bildirib.
Metanolun kimya sənayesində istifadə edildiyini və bədəndə sintez olunmadığını vurğulayan Şener, 30 ml qədər kiçik bir miqdarın belə ölümcül ola biləcəyini qeyd edib. İlk əlamətlər arasında baş ağrısı, ürəkbulanma və qarın ağrısı yer alsa da, görmə bulanıqlığı bu vəziyyətin əsas fərqləndirici xüsusiyyətidir.
Şener, saxta spirti dad və qoxu ilə ayırd etməyin mümkün olmadığını və yüksək spirtli içkilərdən uzaq durmağı tövsiyə edib. Həmçinin, spirt qəbulundan sonra hər hansı bir narahatlıq yaranarsa, dərhal səhiyyə müəssisəsinə müraciət edilməsini məsləhət görüb.
Tərcümə: Könül Oruc
