Müntəzəm olaraq mövsümündə təzə şaftalı yemək immun sistemi möhkəmləndirir, dərini bərpa edir.
E-saglam.az xəbər verir ki, bu barədə həkim Yelena Solomatina məlumat verib.
"Şaftalıda olan lif və pektinlər, bütün sistem və orqanların işinə müsbət təsir edir.
Şaftalıda çox miqdarda beta-karotin var, o gözlərə təsir edir.
Eləcə də şaftalı bağırsaq mikroflorasını yaxşılaşdırır. Onun lifləri tez həll olub əriyir, bağırsaqlardan ağır metal və duzları çıxarır.
Qanda xolesterini salır, ürəyin normal işini bərpa edir".
Həkim məsləhət görür ki, şaftalının qabığını soyub yeyin.
"Ola bilər qabığında yad maddələr, pestisidlər olsun.
Çox şirin şaftalıları şəkər xəstələri yeməsin. Eləcə də mədəsində yara olanlara olmaz". /Bakupost.az
