Qaraciyərin sağlamlığını qorumaq üçün düzgün qidalanma vacibdir.
E-saglam.az xəbər verir ki, qastroenteroloq Dr. Cozef Salhab bu orqanın funksiyasını dəstəkləyən 5 faydalı tərəvəzi açıqlayıb. Elmi araşdırmalara əsaslanan bu siyahı qaraciyər xəstəliklərinin qarşısının alınmasına da kömək edə bilər.
1. Çuğundur
Çuğundur qaraciyər fermentlərini azaldaraq, qaraciyərin yükünü yüngülləşdirir. 2023-cü il araşdırmalarına görə, çuğundur suyu qaraciyər fermentləri olan ALT və AST-ni əhəmiyyətli dərəcədə aşağı salır. Bu da yağlı qaraciyər xəstəliyinin riskini azaldır.
2. Brokoli
Xaç ağacı tərəvəzlərindən olan brokoli, qaraciyərin təmizlənməsində mühüm rol oynayan detoks fermentlərinin aktivliyini artırır. Bu səbəbdən qaraciyər dostu pəhrizlərin əvəzsiz hissəsi hesab olunur.
3. Soğan
Antioksidant olan quercetinlə zəngin soğan, oksidləşdirici stressi azaldaraq qaraciyəri qoruyur. 2020-ci il araşdırmaları göstərir ki, soğan istehlakı ALT səviyyəsini azaldır, qaraciyərin funksiyasını yaxşılaşdırır.
4. İspanaq
Yarpaqlı göyərtilər, xüsusən də ispanaq, qaraciyər xərçəngi riskini azaltmaqda təsirlidir. 2019-cu ildə aparılan meta-analiz nəticəsinə əsasən, ispanaq istehlakı qaraciyər xərçəngi riskini 39 faiz azaldır.
5. Kələm
Kələm qaraciyərin detoks proseslərini dəstəkləyir. 2007-ci il araşdırması göstərib ki, kələm kimi çarmıxlı tərəvəzlər qaraciyərdə II faza detoks fermentlərinin aktivliyini artırır və orqanizmi toksinlərdən təmizləməyə kömək edir.
Tərcümə: Könül Oruc
