Övliya Çələbinin Səyahətnamə kitabında adı çəkilən heyva sağlamlığa faydaları ilə diqqət çəkir.
E-saglam.az xəbər verir ki, heyva, stressi və narahatlığı azaltmağa, qan şəkərini tarazlaşdırmağa və ürək sağlamlığını dəstəkləməyə kömək edir. Tərkibindəki yüksək lif həzmi tənzimləyir və qəbizliyin qarşısını alır. C vitamini və antioksidantlarla zəngin olduğu üçün immuniteti gücləndirir və bədəni sərbəst radikallardan qoruyur.
Heyva dərinin elastikliyini artırır, qocalma əlamətlərini gecikdirir və kalium tərkibi ilə qan təzyiqini tənzimləyir. Aşağı glisemik indeksə malik olduğu üçün diabet xəstələri üçün də uyğundur. Az kalorili və lifli olması toxluq hissi yaradaraq arıqlamağa kömək edir.
Heyva çayı boğaz ağrısını yüngülləşdirir, stressi azaldır və sakitləşdirici təsir göstərir. Minerallarla zəngin olan bu meyvə sümük sağlamlığını da dəstəkləyir. Gündəlik pəhrizinizə heyva əlavə etməklə sağlamlığınızı təbii şəkildə yaxşılaşdıra bilərsiniz.
Tərcümə: Könül Oruc
