Oksigen kokteyli oksigenlə zənginləşdirilmiş içkidir və əsasən sanatoriyalarda, məktəblərdə və çay barlarında istifadə olunur.
E-saglam.az xəbər verir ki, içki su, tibbi oksigen və köpükləndiricidən (adətən yumurta ağı və ya biyan kökü) ibarətdir.
Faydaları
Oksigen kokteyllərinin qan dövranını yaxşılaşdırdığı, enerjini artırdığı və stressi azaltdığı düşünülür. Bununla belə, endokrinoloq Kseniya Merkulova qeyd edir ki, oksigenin bu formada qəbulunun sübut olunmuş tibbi faydası yoxdur. Sağlam insan oksigenin 99%-ni havadan alır, əlavə qəbula ehtiyac duyulmur. Kokteyllərin tərkibində protein və mikroelementlər olsa da, onların əsas üstünlüyü sadəcə dadlı olmasıdır.
Riskləri:
Mədə-bağırsaq problemləri: Mədə xəstəlikləri olanlar üçün narahatlıq yarada bilər.
Allergik reaksiyalar: Süd və ya meyvə tərkibli komponentlərə qarşı həssaslığı olanlar üçün təhlükəli ola bilər.
Yüksək şəkər miqdarı: Diabet xəstələri üçün uyğun deyil.
Yüksək qiymət: Adi içkilərlə müqayisədə daha bahalıdır.
Bəzi mütəxəssislər oksigen kokteyllərinin faydasına inanır, digərləri isə onları qida əlavəsi kimi dəyərləndirir və istifadəsini tövsiyə etmir. Oksigen çatışmazlığı üçün ən yaxşı həll təmiz havada gəzməkdir.
Tərcümə: Könül Oruc
