Diyetoloq Conatan Purtel çiyələyin faydalı xüsusiyyətləri haqqında danışdı.
E-saglam.az xəbər verir ki, qan şəkərinin səviyyəsini saxlayır. Çiyələk aşağı glisemik indeksinə görə bəzi digər qidalar kimi qan şəkərinin səviyyəsinin kəskin artmasına səbəb olmur. Şəkərli diabetdən əziyyət çəkən insanlar üçün əla vitamin mənbəyidir.
İltihab əleyhinə və yara sağaldıcı təsirə malikdir. Çiyələkdə olan antioksidanlar, C vitamini ilə birlikdə, osteoartrit kimi hallarda ağrı və iltihabı azalda və dərinin sağalmasını təşviq edə bilər.
Ürək sağlamlığını təşviq edir. Həftədə ən az üç porsiya çiyələk yemək infarkt riskini azaldır. Antosiyaninlər (antioksidantlar), flavonoidlər və kalium da qan təzyiqini normallaşdıra bilər.
Sağlam immun sistemini dəstəkləyir. Çiyələyin tərkibindəki çoxlu miqdarda C vitamini orqanizmi virus və bakteriyalardan qoruyan immun sisteminin hüceyrələrini gücləndirir.
Fol turşusunun səviyyəsini artırır. Çiyələk orqanizmin DNT-sini saxlamaq üçün vacib olan folat mənbəyi kimi xidmət edə bilər.
Xərçəng riskini azalda bilər. Çiyələkdə olan antioksidantlar xərçəngdən qoruya bilər. Diyetoloqun sözlərinə görə, bir sıra araşdırmalar bu birləşmələrin iltihabı və xərçəng hüceyrələrinin yayılmasını azalda biləcəyini göstərib.
Xolesterol səviyyəsini aşağı salmağa kömək edir. Giləmeyvə gündəlik istehlakı ümumi xolesterol səviyyəsini 10%-ə qədər və "pis" xolesterol səviyyəsini 13% azaltmağa kömək edir.
Koqnitiv qabiliyyətləri yaxşılaşdırır. Bəzi tədqiqatlar göstərir ki, gündəlik çiyələk yemək beyin sağlamlığını dəstəkləməyə kömək edə bilər, potensial olaraq zehni proseslərin sürətini və fəaliyyətini yaxşılaşdırır.
Tərcümə: Könül Oruc
