Soyuq mövsümdə bədəninizin stresslə mübarizə aparmasına kömək edə bilərsiniz.
E-saglam.az xəbər verir ki, kardioloq Yevgeni Kokin, qışda ürək-damar sisteminin normal fəaliyyətini qorumaq üçün hansı vitamin və mikroelementlərin vacib olduğunu izah etdi.
Həkim pəhrizə bir neçə vacib qida əlavə etməyi məsləhət gördü.
D vitamini (yağlı balıq, yumurta sarısı, zənginləşdirilmiş qidalar, günəş işığı) – renin-angiotenzin sistemini tənzimləyir, iltihabı azaldır, endotel funksiyasını yaxşılaşdırır.
Omega-3 (qızılbalıq, skumbriya, kətan yağı, balıq yağı) - triqliseridləri azaldır, antiaritmik, antitrombosit təsirlərinə malikdir.
Maqnezium (qoz-fındıq, balqabaq toxumu, yaşıl tərəvəzlər, kakao, tam taxıllar) - keçiriciliyi yaxşılaşdırır, damar spazmını azaldır, trombozun qarşısını alır.
Kalium (banan, kartof, ispanaq, avokado, quru ərik, balqabaq) – qan təzyiqini tənzimləyir, natriumu tarazlaşdırır.
K2 vitamini (sərt pendirlər, yumurta sarısı) – damar kalsifikasiyasının qarşısının alınmasında iştirak edir.
Antioksidantlar: C, E vitaminləri, selen (sitrus meyvələri, kivi, şirin bibər, badam, Braziliya qozu) - endoteli oksidləşdirici stressdən qoruyur.
Tərcümə: Könül Oruc
