Qışda, xüsusilə aşağı temperatur, külək və istilikdən yaranan quru hava səbəbindən həssas oluruq.
E-saglam.az xəbər verir ki, dermatoloq Yelena Şuxman soyuq mövsümdə dərinizə necə qulluq etmək barədə danışıb.
"Quru dəri üçün əsas tərkib hissələri lipid baryerini bərpa edən və nəmi saxlayan keramidlər, hialuron turşusu, skvalan və doymamış yağlar (şea, jojoba)dır. Seramidlər bütün dəri tipləri üçün uyğundur, hialuron turşusu xüsusilə həssas və yetkin dəri üçün, yağlar isə quru və normal dəri üçün uyğundur. Qışda SPF qorunması vacibdir: UB şüaları qardan əks olunur və hətta mənfi temperaturda belə təsirini artırır", - deyə ekspert bildirib.
Əllər və dodaqlar xüsusi qulluq tələb edir: "Su ilə və ya çöldə hər təmasdan sonra pantenol, E vitamini və mum tərkibli qalın balzamlar çəkin. Qışda sərt skrablar onsuz da zəifləmiş baryeri zədələyir. Həftədə 1-2 dəfə yumşaq ferment və ya laktik pilinqlərdən istifadə etmək daha yaxşıdır.
Quru hava, sintetik geyimlər və sərt yuyucu vasitələr qıcıqlanmanı artıra bilər. Nəmləndiricilər, təbii parçalar və hipoallergen məhsullar kömək edə bilər. Buxar otaqları və saunalar dərini qurudur və transepidermal su itkisinə (TEWL) səbəb olur. Saunadan istifadə etdikdən sonra nəmləndiricilər tətbiq olunmalıdır".
Evdə müalicəyə cavab verməyən davamlı qızartı, ağrılı çatlar, irinli səpgilər və ya qabıqlanma hiss edirsinizsə, dermatoloqa müraciət edin.
Tərcümə: Könül Oruc
