Qastroenteroloq Vladimir Lobkov sağlamlıq üçün ən faydalı yeddi dənli bitkini açıqlayıb.
E-saglam.az xəbər verir ki, mütəxəssis bildirib ki, bütöv taxılların müntəzəm qəbulu ürək-damar xəstəlikləri, 2-ci tip şəkərli diabet, piylənmə və mədə-bağırsaq problemlərinin riskini azalda bilər.
Lobkovun qeyd etdiyi ən sağlam dənli bitkilər bunlardır:
Yulaf əzməsi – xolesterolu tənzimləyən beta-qlükanlar və damarları qoruyan avenantramidlər ehtiva edir.
Qarabaşaq – qlütensizdir, aşağı glisemik indeksə malikdir və kapilyarları gücləndirən rutinlə zəngindir.
Kinoa – bütün əsas amin turşularını özündə birləşdirən tam zülal mənbəyidir, xüsusilə vegetarianlar üçün uyğundur.
Qəhvəyi və yabanı düyü – lif, maqnezium və antioksidantlarla zəngindir, bağırsaq funksiyasını və qan şəkərini tənzimləməyə kömək edir.
İnci arpa – beta-qlükanlar və selen sayəsində sağlam xolesterol səviyyələrini dəstəkləyir və toxluq hissini artırır.
İrmik – asan həzm olunur və bəzi mədə-bağırsaq xəstəliklərində uyğun ola bilər, lakin yüksək qlisemik indeksi səbəbindən ölçülü istehlak edilməlidir.
Bulqur – buxarla emal olunduğu üçün qida maddələrini yaxşı saxlayır və uzunmüddətli toxluq yaradır.
Mütəxəssis minimal işlənmiş taxıllara üstünlük verməyi, əlavə şəkər və yağlı souslardan uzaq durmağı, onları giləmeyvə, qoz-fındıq, toxum, tərəvəz və ədviyyatlarla tamamlamağı tövsiyə edir.
Tərcümə: Könül Oruc
