Qidaların sadə və əlçatan birləşməsi bağırsaq sağlamlığını yaxşılaşdırmaq və immunitet sistemini gücləndirmək üçün güclü bir vasitə ola bilər.
Bunun sirri kefir və pəhriz lifinin birləşməsindədir. "Bu kombinasiyada lif bədənin öz bağırsaq bakteriyaları üçün qidalı mühit təmin edən prebiotik rolunu oynayır. Kefir isə canlı probiotik kulturaları ehtiva edən kompleks məhsuldur", - mütəxəssis izah edib.
Həkimin sözlərinə görə, bu birləşmə qısa zəncirli yağ turşularının - butirat, propionat və asetatın istehsalını artırır. Bu maddələr iltihabın tənzimlənməsində əsas rol oynayır, bağırsaq hüceyrələri üçün enerji mənbəyi kimi xidmət edir və normal hərəkətliliyi dəstəkləyir.
Təcrübədə ekspert kefiri meyvə və ya qurudulmuş meyvələr, tam taxıl çörəyi, kəpək, çox dənli taxıllarla birləşdirməyi tövsiyə edir. Onu nə vaxt içməyə gəlincə, kefir çox yönlüdür: onu gecə, yatmazdan bir neçə saat əvvəl qəbul etmək və ya ikinci səhər yeməyi və ya günorta qəlyanaltı kimi istifadə etmək olar.
Tərcümə: Könül Oruc
