D vitamini insan orqanizmi üçün həyati əhəmiyyət kəsb edən vitaminlərdən biridir. Bu vitamin sümük sağlamlığını qorumaq, immun sistemini gücləndirmək və əzələ funksiyalarını dəstəkləməkdə vacib rol oynayır. Lakin müasir həyat tərzi səbəbindən bir çox insanın bədənində D vitamini çatışmır.
E-saglam.az xəbər verir ki, Mütəxəssislər bildirir ki, D vitamini çatışmazlığının əlamətləri çox vaxt nəzərə çarpmır, lakin uzun müddət davam etdikdə ciddi sağlamlıq problemlərinə səbəb ola bilər. Bunlara əzələ və sümük ağrıları, yorğunluq, zəif immunitet və depressiya əlamətləri daxildir.
D vitamini əsasən günəş şüaları vasitəsilə qəbul edilir, həmçinin bəzi qida məhsullarında – yağlı balıqlar, yumurta sarısı, süd məhsulları və D vitamini ilə zənginləşdirilmiş qidalarda mövcuddur. Mütəxəssislər gündəlik günəş qəbulunu artırmağı, D vitamini zəngin qidalar yeməyi və lazım gəldikdə əlavə qida əlavələrindən istifadə etməyi tövsiyə edirlər.
Qeyd edək ki, həkim məsləhəti olmadan yüksək dozada D vitamini əlavələri qəbul etmək təhlükəli ola bilər, çünki artıq D vitamini orqanizm üçün zərərlidir.
Nəzrin Abbas
E-saglam.az
