Yazın gəlişini simvolizə edən nərgizlər nə qədər gözəl görünsə də, onların arxasında həm fayda, həm də təhlükə gizlənir.
E-saglam.az xəbər verir ki, bağbanlıq mütəxəssisi Adam Kirtland bu zərif çiçəyin az bilinən tərəflərini izah edərək, onun “bir neçə yaramaz sirri” olduğunu bildirib.
Kirtlandın sözlərinə görə, nərgizlər təkcə gözəl deyil, eyni zamanda təbiətin gizli güclərindən biridir. Onlar Alzheimer xəstəliyinin müalicəsində istifadə olunan qalantamin adlı bir maddə ehtiva edir. Bu, onu tibbi baxımdan dəyərli edir.
Digər tərəfdən, bu çiçək təbiətdə özünü qorumaqda da çox ustadır. Heyvanlar onu yemirlər, çünki tərkibində toksinlər var. Lakin bu xüsusiyyət insanlar üçün də diqqət tələb edir. Nərgizin şirəsi dəri ilə təmasda olduqda qıcıqlanma yarada bilər. Bu səbəbdən ona toxunarkən diqqətli olmaq tövsiyə olunur.
Kirtland həmçinin nərgizləri digər çiçəklərlə eyni vazaya qoymağı məsləhət görmür. Onun buraxdığı mayelər digər çiçəklərin ömrünü qısalda bilər.
Nərgizlərlə bağlı bu məlumatlar sosial mediada da böyük marağa səbəb olub. İstifadəçilər çiçəyin həm müalicəvi xüsusiyyətlərinə, həm də adının mənşəyinə diqqət çəkiblər. Görünür, bu bahar çiçəyi yalnız gözəlliyi ilə deyil, sirri ilə də fərqlənir.
Tərcümə: Könül Oruc
