Mətbəxdə sıx bağlanmış bankaların qapağını aça bilməmək bir çox insanın qarşılaşdığı tanış problemdir. Xüsusilə mürəbbə, turşu və konserv bankaları bəzən o qədər bərk bağlanır ki, nə qədər cəhd etsəniz də açılmır.
E-saglam.az xəbər verir ki, amma artıq narahat olmağa dəyməz! “Taxta qaşıq üsulu” ilə bu problemi saniyələr içində həll etmək mümkündür.
Necə tətbiq edilir?
Bankanı tərs çevirin – qapaq aşağıya baxsın.
Taxta qaşıqla bankanın dibinə (şüşə hissəsinə) bir neçə dəfə ritmik şəkildə, yüngülcə vurun.
Sonra bankanı normal vəziyyətə gətirib yenidən açmağa çalışın – qapaq asanlıqla açılacaq.
Bu üsul niyə effektlidir?
Bankalar bağlanarkən içindəki hava çəkilir və vakuum yaranır. Taxta qaşıqla vurduqda bu vakuum pozulur və qapaq boşalır.
Niyə məhz taxta qaşıq?
– Şüşəni cızmaz, təhlükəsizdir.
– Kifayət qədər sərt və təsirli vasitədir.
– Metal və ya plastik qaşıqlardan daha uyğundur.
Əlavə ipucu:
– Rezin əlcək taxaraq qapağı daha rahat tutmaq olar.
– Qapağı bir neçə dəqiqə isti suda saxlamaq da açılmasını asanlaşdırır.
Sadə və təhlükəsiz bu üsulu sınayın – artıq banka qapaqları sizi yormayacaq!
Tərcümə: Könül Oruc
