Alimlər bildiriblər ki, musiqi dinləmək əməliyyatdan sonrakı xəstələrdə sağalmanı sürətləndirə bilər.
E-saglam.az xəbər verir ki, tədqiqatçılar musiqinin ürək döyüntüsünü sabitləşdirə və ağrıları aradan qaldıra biləcəyini müəyyən ediblər.
Tədqiqatçılar musiqi və onun əməliyyatdan sonrakı bərpada rolu ilə bağlı mövcud araşdırmaları nəzərdən keçirdilər.
Onlar 3,736 tədqiqatın siyahısını ağrı və narahatlıq kimi xəstənin nəticələri, həmçinin ürək dərəcəsi və opioid istifadəsi ölçüləri ilə bağlı məlumatları ehtiva edən 35 tədqiqat məqaləsinə qədər daraltdılar.
Təhlillər nəticəsində alimlər bildiriblər ki, əməliyyatdan sonra qulaqlıq və ya dinamik vasitəsilə musiqi dinləmək kimi sadə bir hərəkət sağalma prosesində xəstələrə “görünən təsirlər” göstərir.
Musiqi dinləyən xəstələr əməliyyatdan bir gün sonra ağrı və narahatlıq səviyyələrində əhəmiyyətli dərəcədə azalma olduğunu bildirdilər.
Tədqiqatçıların fikrincə, onlar musiqi dinləməyənlərin yarısından da az morfin istifadə ediblər.
Həmçinin aşkar edilib ki, xəstələrdə ürək döyüntüləri musiqi dinləməyənlərə nisbətən dəqiqədə təxminən 4,5 dəfə azdır.
Alimlər deyirlər ki, xəstənin ürək döyüntüsünü sağlam diapazonda saxlamaq oksigen və qida maddələrinin bütün bədəndə yaxşı dövr etməsinə imkan verərək, sağalmanı yaxşılaşdırmağa kömək edə bilər.
ACS Clinical Congress 2024-də təqdim edilən tədqiqat nəticələri göstərir ki, musiqi dinləyərkən kortizol səviyyələrində azalma xəstələrin ağrılarını yüngülləşdirməkdə rol oynaya bilər.
Alimlər ümid edirlər ki, əməliyyatdan sonrakı şəraitdə musiqidən istifadəni qiymətləndirmək üçün pilot proqram bu məsələyə daha çox işıq sala bilər.
Tərcümə: Könül Oruc
