Qara zirə, zəngin qida tərkibi və sağlamlıq üçün təsirli xüsusiyyətləri ilə tanınır. Kalsium, kalium, fosfor, dəmir, A, B və C vitaminləri, maqnezium və sink kimi minerallarla zəngindir.
E-saglam.az xəbər verir ki, onun tərkibindəki timokinon antioksidant, iltihab əleyhinə və immunitet gücləndirici təsir göstərir.
Antioksidan təsir: Qara zirə sərbəst radikallara qarşı mübarizə apararaq ürək-damar xəstəlikləri, xərçəng və revmatizm riskini azaldır.
İmmuniteti gücləndirir: Timokinon, T hüceyrələrinin və faqositlərin sayını artıraraq immunitet sistemini dəstəkləyir.
Diabetin idarəsi: Qara zirə insulin həssaslığını artıraraq qan şəkərini tənzimləyir.
Ürək-damar sağlamlığı: Trigliseridlər və xolesterol səviyyəsini tarazlaşdıraraq ürək xəstəliklərinin qarşısını alır.
Həzm sistemi: Mədə və bağırsaq selikli qişasını qoruyur, mədə turşusunu azaldır və həzm sistemini tənzimləyir.
Dəri sağlamlığı: İltihab əleyhinə təsir göstərərək sədəf və Behçet xəstəliyində müsbət rol oynayır, yaşlanma əleyhinə təsir göstərir.
Qeyd: Qara zirə istifadəsi zamanı həkimlə məsləhətləşmək tövsiyə edilir. Onun faydaları fərdi sağlamlıq vəziyyətinə görə dəyişə bilər.
Tərcümə: Könül Oruc
