Texnoloq Tatyana Chertilina deyir ki, yüksək keyfiyyətli mozzarella ağ rəngdə olmalıdır və asanlıqla qırılır.
E-saglam.az xəbər verir ki, "Lenta.ru" ilə söhbətində mütəxəssis yaxşı pendir seçməklə bağlı tövsiyələr verib.
Chertilina görə, ilk növbədə pendirin tərkibini yoxlamaq lazımdır: "Mozzarellanın əsas komponenti inək südüdür və heç bir yağ əvəzedicisi olmamalıdır. İkincisi, istifadə müddətidir. Duzlu suda keyfiyyətli pendir bir ay öz xüsusiyyətlərini saxlayır və qablaşdırmada bundan daha uzun müddət göstərilibsə, bu, konservantların olduğunu göstərir".
Texnoloq qablaşdırmaya yüngülcə basmağı da tövsiyə etdi: "Əgər duzlu suda mozzarellanın konturları demək olar ki, nəzərə çarpmırsa, o, yaxşı pendirdir, yumşaq və suludur".
Chertilina evdə pendirin qablaşdırmasını açdıqdan sonra, düzgün seçim edib-etmədiyinizdən əmin olmağın yollarından da danışıb: "Pendir topları ağ rəngdə və kəsildikdə laylı quruluşda olmalıdır. Doğru mozzarella zəngin, qaymaqlı, südlü və bir az duzlu dada malikdir və əllərinizlə və ya çəngəl ilə asanlıqla qırılır".
Mütəxəssis xatırladıb ki, İtaliyada klassik mozzarella pendiri isə camış südündən hazırlanır.
Tərcümə etdi: Könül Oruc
