Kənddə yaşayan insanların uzun ömür sürməsinin sirri də həmin yeməklər olub! Məşhur professor Canan Karatay hər fürsətdə bu yeməyi tərifləyir və onu yeyənlər 90 yaşına qədər yaşayır...
E-saglam.az xəbər verir ki, Ürək və Daxili Xəstəliklər Mütəxəssisi Prof. Dr. Canan Karatay sağlam həyat təklifləri ilə diqqət çəkir. Onun son təklifi ondan ibarət idi ki, bir çoxumuzun təbii qəbul etdiyi, lakin sağlamlıq üçün güc mənbəyi olan ağ kələmin duzlu formasını müntəzəm olaraq istehlak etmək ömrü uzada bilər.
Prof.Dr.Canan Karatay ağ kələmin dünyanın ən vacib və ən sağlam qidası olduğunu bildirib. Xüsusilə evdə hazırlanmış turşu şəklində istehlak edilən ağ kələmin təbii probiotik qaynağı kimi önə çıxdığını vurğuladı. Qış aylarında ağ kələmdən bol istehlak etməyin vacibliyinə toxunan Karatay, uşaqlara bu vərdiş aşılanmasının xəstəliklərə qarşı qoruyucu təsir göstərdiyini bildirib.
Turşu ağ kələmin faydalarına diqqət çəkən Prof.Dr.Canan Karatay, xüsusilə uzun ömrü dəstəklədiyini dilə gətirdi. Kəndlərdə yaşlıların uzun ömür sürməsinin sirrinin ağ kələm turşusu istehlakında olduğunu, tərkibindəki probiyotiklər və antioksidanlar sayəsində bədən funksiyalarını təsirli şəkildə dəstəklədiyini bildirib.
O, həmçinin əlavə edib ki, həzm sisteminə müsbət təsir göstərir və həzmi dəstəkləyən probiotik bakteriyaları ehtiva edərək həzm narahatlığını aradan qaldırır. İmmunitet sistemini gücləndirən təsiri ilə yanaşı, iltihabı azaltma xüsusiyyətinə malik olduğunu və həzm qazlarını aradan qaldırıcı təsirə malik olduğunu bildirdi.
O, həmçinin turşu ağ kələmin liflə zəngin olduğunu vurğulayaraq, lifin həzmi tənzimlədiyini və çəkiyə nəzarətə kömək etdiyini bildirib. O həmçinin əlavə edib ki, antioksidantlarla zəngin olduğu üçün xərçəngə qarşı qoruyucu təsir göstərir.
Tərcümə: Könül Oruc
