Uzun illər limonun qan təzyiqini saldığı düşünülürdü. Ancaq Ürək-Damar Cərrahiyyəsi Mütəxəssisi Prof. Dr. Ünal Aydının açıqlamalarına görə, limonun özü deyil, qoxusu stressi azaltmaqla təzyiqi aşağı sala bilər.
E-saglam.az xəbər verir ki, limonun qan təzyiqinə birbaşa təsir edən dərman kimi təsir göstərmədiyi bildirilsə də, aromaterapiya vasitəsilə beyində sakitləşdirici mexanizmləri işə saldığı və bunun da təzyiqin azalmasına kömək etdiyi müəyyən olunub.
Bundan əlavə, limon C vitamini, B qrupu vitaminləri, kalium, maqnezium və digər faydalı minerallarla zəngindir. Bu səbəbdən limon təkcə təzyiqə deyil, ümumi sağlamlığa da müsbət təsir göstərir.
Mütəxəssislər bildirir ki, təzyiq problemləri olan şəxslər həkim məsləhəti ilə müalicələrinə davam etməli və əlavə olaraq limon aromaterapiyasından dəstək ala bilərlər.
Tərcümə: Könül Oruc
