Hər yeməkdə çörək yemək sağlamlığınıza zərər verməyəcək.
E-saglam.az xarici mediaya istinadən xəbər verir ki, bu sözləri Akademik Roitberq klinikasının diyetoloqu Maryana Cutova "Lenta.ru" ilə söhbətində çörəklə bağlı məşhur miflərdən danışarkən deyib.
Diyetoloq, çörək məhsullarının gündəlik normasının 150 qram olduğunu göstərdi. Bununla belə, o deyir ki, sağlam insanlar limiti qaçırmaqdan və ya hər yeməklə çörək yeməkdən narahat olmasınlar, çünki bu, onların sağlamlığına ciddi təsir göstərməyəcək. Əsas odur ki, pəhriz balanslı olsun, diyetoloq vurğulayıb.
Diyetoloq qeyd edib ki, kəpək unundan hazırlanan çörək ən faydalı hesab olunur - onun tərkibində maksimum miqdarda vitamin var.
Çörək seçərkən, o, zülal, bitki və mineral əlavələrlə zənginləşdirilmiş çeşidlərə daha yaxından nəzər salmağı tövsiyə etdi: onlar pəhrizinizi daha dolğun etməyə kömək edəcək. Həmçinin, həkim bildirib ki, çörək çox kalorili və karbohidratlıdır. Lakin zülallar, yağlar, liflər, vitaminlər və minerallar baxımından zəifdir.
Tərcümə etdi: Könül Oruc
