Bəzi məhsullarda sinir sistemini sakitləşdirən, melatonin istehsalını təşviq edən və yuxunu yaxşılaşdıran maddələr var.
E-saglam.az xəbər verir ki, fizioloq Alexander Sozıkin onları "İzvestiya"ya verdiyi şərhdə sadalayıb.
“Bu məhsullar arasında albalı və ya albalı suyu, süd məhsulları (süd, kefir, qatıq) var, onları yatmazdan iki saat əvvəl istehlak etmək lazımdır. Süd məhsullarının tərkibində ürək əzələsinin işləməsi və sinir impulslarının keçirilməsi üçün lazım olan kalsium da var”, - deyə həkim qeyd edib.
O əlavə edib ki, pomidor, balqabaq və dəniz balığı yemək də yuxunun keyfiyyətinə müsbət təsir edir.
Sozıkin yuxunun keyfiyyətinə pəhrizin təsir etdiyini vurğulayıb. Həkimin sözlərinə görə, axşam yeməyini yatmazdan iki-üç saat əvvəl yemək daha yaxşıdır.
Eyni zamanda aclıq hissi ilə yatmaq məsləhət deyil. Karbohidrat aclığı ilə qarşılaşdıqda, neyronlar təcili olaraq "yanacaq" ehtiyacları barədə siqnallar göndərirlər və neyroendokrin hüceyrələr melatoninin sintezini dayandıraraq cavab verirlər.
Tərcümə etdi: Könül Oruc
