Skyr (skir) Skandinaviya, xüsusilə də İslandiya mənşəli bir süd məhsuludur. Qatıq və pendir arasında bir konsistensiyaya malik olan skyr, qalın və qaymaqlı quruluşu ilə tanınır.
E-saglam.az xəbər verir ki, aşağı yağ tərkibi və yüksək protein səviyyəsi ilə sağlam qidalanma üçün mükəmməl bir alternativ hesab edilir.
Skyr-ın əsas xüsusiyyətləri:
- Zəngin zülal mənbəyi: Skyr tərkibindəki yüksək protein sayəsində uzun müddətli toxluq hissi yaradır.
- Aşağı yağ tərkibi: 100 qram skyr demək olar ki, heç bir yağ ehtiva etmir, bu da onu arıqlamaq istəyənlər üçün ideal edir.
- Zəngin qida dəyəri: Kalsium, maqnezium və kaliumla zəngin olan skyr sümük və ürək-damar sağlamlığını dəstəkləyir.
- Sağlam bağırsaq florası: Tərkibindəki laktik turşu bakteriyaları bağırsaq florasını gücləndirir və həzm sisteminə fayda verir.
Skyr müxtəlif formalarda istifadə edilə bilər:
Qəlyanaltı olaraq: Çiyələk, qoz, bal və ya digər təbii əlavələrlə birlikdə yeyilə bilər.
Şirniyyatlarda və yeməklərdə: Piroqlar, desertlər və ya salatlar üçün tərkib kimi istifadə edilir.
İçkilər üçün əsas: Qidalandırıcı smuzilər hazırlamaq üçün də istifadə edilə bilər.
Skyr sağlam həyat tərzi üçün idealdır, çünki o, həm enerji verir, həm də maddələr mübadiləsini dəstəkləyir. Zəngin qida tərkibi ilə skyr, həm də arıqlamaq istəyənlər üçün faydalıdır və pəhrizlərin ayrılmaz hissəsinə çevrilib.
Tərcümə: Könül Oruc
