E-saglam.az xəbər verir ki, bəzi ümumi səhvlər münasibətə ciddi ziyan vura bilər:
Dostluqdan uzaqlaşmaq – Yoldaşınızla yalnız romantik deyil, dostluq münasibəti də qurun. Gülmək, zarafat etmək və bir-birinizin yanında rahat olmaq vacibdir.
Sosial təzyiqlə evlənmək – Ailə və cəmiyyətin təzyiqi ilə evlənmək uzunmüddətli xoşbəxtliyə zəmanət vermir. Doğru insanla sevgi əsasında evlilik qurmaq önəmlidir.
Həddindən artıq sahiblənmək – Partnyorunuza güvənməmək və onu daim nəzarətdə saxlamaq münasibəti gərginləşdirir. Münasibətdə azadlıq və inam əsasdır.
Ünsiyyət boşluğu – Problemləri gizlətmək və ya danışmamaq münasibəti zəiflədir. Səmimi ünsiyyət, narahatlıqları və arzuları bölüşmək əlaqəni gücləndirir.
Bir-birinizi qiymətləndirməmək – Günlük rutinlər arasında partnyorunuzu dəyərli hiss etdirməyi unutmayın. Kiçik təşəkkürlər və diqqət jestləri münasibəti canlı saxlayır.
Özünüzə qayğı göstərməmək – Yalnız partnyorunuzu deyil, öz xoşbəxtliyinizi də düşünün. Hobbilərinizə və şəxsi inkişafınıza vaxt ayırmaq münasibətə müsbət təsir edər.
Romantikanı unutmaq – Kiçik sürprizlər, sevgi dolu mesajlar və diqqət jestləri münasibətinizi təravətli saxlayacaq.
Bu səhvlərdən çəkinərək, daha möhkəm və sevgi dolu bir evlilik qurmaq mümkündür.
Tərcümə: Könül Oruc
