Dırnaqların düzgün kəsilməsi gigiyena və sağlamlıq üçün vacibdir.
E-saglam.az xəbər verir ki, çox qısa kəsilən dırnaqlar infeksiya, dırnaq batması və dırnaq yatağının zədələnməsinə səbəb ola bilər.
Yanlış dırnaq kəsmənin fəsadları
Dırnaq yatağı zədələnə bilər – Həddindən artıq qısa kəsildikdə dırnaq yatağı açıq qalır, bu da infeksiya riskini artırır.
İnfeksiya və göbələklər çoxala bilər – Yanlış kəsmə mikro zədələr yaradır, bakteriyaların yayılmasına şərait yaradır.
Dırnaq batması problemi yarana bilər – Xüsusilə ayaq dırnaqlarında batma, şişlik və ağrıya səbəb ola bilər.
Dırnaqların təbii quruluşu pozula bilər – Daimi qısa kəsmə dırnaqların formasının dəyişməsinə və qeyri-sağlam uzanmasına gətirib çıxara bilər.
Sağlam dırnaqlar üçün onları düz və çox qısa olmadan kəsmək, küncləri dərin kəsməmək və qayçıları dezinfeksiya etmək vacibdir.
Tərcümə: Könül Oruc
