Nevroloq Dilan Vint xəbərdarlıq edib ki, kolbasa, hisə verilmiş ət və digər işlənmiş qırmızı ətlər demans riskini artırır.
E-saglam.az xəbər verir ki, işlənmiş qırmızı ətin tez-tez istehlakının demensiya riskini 13 faiz artırdığını göstərən araşdırmanı şərh edən Vint, həkimlərin uzun müddətdir ki, məhsula qarşı ehtiyatlı olduqlarını qeyd edib. Onun sözlərinə görə, mütəxəssislər təkcə işlənmiş ətdən deyil, istənilən qırmızı ətdən az yeməyi tövsiyə edirlər. "Beyin sağlamlığını qorumaq üçün bu məhsuldan dörd porsiyadan çox istifadə edilməməsi tövsiyə olunur", - dedi nevroloq.
Vint qırmızı əti tərkibindəki yağlara görə beyin üçün təhlükəli adlandırıb. Emal zamanı o, daha da zərərli olur, həkim hesab edir ki, ona nitrit kimi kimyəvi qoruyucu maddələr əlavə olunur ki, bu da beyin fəaliyyətinə mənfi təsir göstərir.
Vint həmçinin xəbərdarlıq edib ki, kolbasa və hisə verilmiş ətdən imtina etmək beyni 100 faiz demansdan qoruya bilməyəcək. O qeyd edib ki, zehni aydınlığı qorumaq üçün müxtəlif və balanslı qidalanma, daha çox tərəvəz, taxıl, paxlalı bitkilər və yağsız ət yemək vacibdir. "Mən fiziki fəaliyyəti demensiyanın qarşısını almağın ən güclü üsulu adlandırardım", - deyə nevroloq yekunlaşdırdı.
Tərcümə: Könül Oruc
