Soyuq aylarda qrip, soyuqdəymə və bronxit halları artarkən, Canan Karatay immuniteti gücləndirmək üçün sirkənin faydalarına diqqət çəkir.
E-saglam.az xəbər verir ki, o, sirkənin təbii antibiotik olduğunu vurğulayaraq, "Vücudunuzu xəstəliklərdən qorumaq üçün səhər-axşam sirkə için" məsləhətini verir.
Alma sirkəsinin üstünlükləri
Alma sirkəsi antioksidantlarla zəngindir və immuniteti gücləndirə bilər. Araşdırmalar onun bakteriyaları məhv etmək, iltihabı azaltmaq və qan şəkərini tənzimləməkdə təsirli olduğunu göstərib.
Digər faydaları
Ağır çəkidən qurtulmağa kömək edir: Sirkə iştahı azaldaraq və toxluq hissi təmin edərək çəki idarəsində faydalıdır.
Xolesterolu tənzimləyir: Pis xolesterolu (LDL) azaldıb, yaxşı xolesterolu (HDL) artırır və ürək-damar sağlamlığını dəstəkləyir.
Dəriyə faydalıdır: Asetik turşu cildin pH tarazlığını qoruyur və səpki yaranmasının qarşısını ala bilər.
Canan Karatayın tövsiyəsinə görə, sirkəni gündəlik qidalanmanıza daxil etmək həm immunitetinizi gücləndirə, həm də ümumi sağlamlığınızı yaxşılaşdıra bilər.
Qeyd edək ki, söhbət təbii şəkildə evdə hazırlanan alma sirkəsindən gedir.
Tərcümə: Könül Oruc
