Beynəlxalq alimlər qrupu müəyyən edib ki, az miqdarda Montmorency albalı şirəsi içmək xoralı kolitin yüngül formaları olan xəstələrdə bağırsaq sağlamlığını əhəmiyyətli dərəcədə yaxşılaşdırır.
E-saglam.az xəbər verir ki, tədqiqat nüfuzlu “Life” elmi jurnalında dərc olunub.
Altı həftəlik ikiqat kor təcrübədə iştirakçılar hər gün su ilə seyreltilmiş iki 130 ml Montmorency albalı şirəsi qəbul etdilər. İkinci nəzarət qrupu oxşar plasebo içkisi aldı. Könüllülər sın aqlardan əvvəl və sonra hərtərəfli tibbi müayinədən keçiblər.
Təbii şirənin müntəzəm istehlakının nəcisdə kalprotektin proteininin konsentrasiyasını 40% azaltdığı müəyyən edilmişdir. Kalprotektin mədə-bağırsaq traktında iltihablı proseslərin əsas göstəricisi hesab olunur, ekspertlər izah edirlər.
Müsbət təsirin həkimlər tərəfindən təyin olunan standart dərmanların paralel istifadəsi ilə baş verdiyini qeyd etmək vacibdir.
Şirənin müsbət təsirinin əsas səbəbi bu albalı çeşidinin meyvələrinin xüsusi tərkibi olub. Beləliklə, Montmorency çeşidi yüksək miqdarda antosiyaninlər - açıq antioksidan xüsusiyyətlərə malik təbii piqmentlər ilə fərqlənir. Məhz antosiyaninlər bağırsaq mukozasına müsbət təsir göstərir, iltihab prosesini yatırmağa kömək edir.
Tərcümə: Könül Oruc
