Böyrəklərin sağlam qalması üçün balanslı qidalanma mühüm rol oynayır. Lif və antioksidantlarla zəngin olan qidalar böyrəkləri toksinlərdən qoruyur, iltihabı azaldır və orqanizmin ümumi sağlamlığını dəstəkləyir.
E-saglam.az xəbər verir ki, qırmızı bibər A və C vitaminləri ilə zəngindir və böyrək hüceyrələrini qoruyaraq iltihabın qarşısını alır. Kələm fitokimyəvi maddələr və liflə doludur, oksidləşdirici stressi azaldaraq həzm sisteminə müsbət təsir göstərir.
Sarımsaq və soğan təbii antiinflamatuar xüsusiyyətlərə malikdir, böyrəklərin yükünü azaldır, qan dövranını yaxşılaşdırır və infeksiyalardan qoruyur. Gül kələmi isə tərkibindəki antioksidantlar sayəsində böyrək funksiyasını dəstəkləyir və toksinlərin toplanmasının qarşısını alır.
Qaragiləmeyvə və alma böyrəkləri oksidləşdirici stressdən qoruyur, toksinləri bədəndən xaric etməyə kömək edir və immunitet sistemini gücləndirir. Yağlı balıqlar isə omeqa-3 yağ turşuları ilə zəngindir, qan təzyiqini tənzimləyərək böyrək funksiyasını qoruyur.
Bu qidaların pəhrizə əlavə edilməsi böyrəklərin sağlam qalmasına və uzunmüddətli problemlərin qarşısının alınmasına kömək edir.
Tərcümə: Könül Oruc
