Ananas, tərkibindəki C vitamini, manqan və bromelain sayəsində cinsi sağlamlığa müsbət təsir göstərə bilən qidalardan biridir. Qan dövranını və testosteron istehsalını dəstəkləyərək cinsi funksiyanı gücləndirə bilər.
E-saglam.az xəbər verir ki, ananasda bol miqdarda olan C vitamini güclü antioksidantdır və qan dövranını yaxşılaşdıraraq cinsi istəyi artıra bilər. Manqan testosteron istehsalını dəstəkləyən əsas minerallardan biridir və bu, potensial olaraq libidonu yüksəldə bilər.
Bromelain və serotonin istehsalı
Ananasın tərkibində yalnız bu meyvədə olan bromelain fermenti var. Bu ferment iltihab əleyhinə xüsusiyyətlərə malikdir və qan axınını artıraraq cinsi funksiyanı dəstəkləyə bilər. Həmçinin, triptofan amin turşusu serotonin istehsalını stimullaşdırır. Serotonin isə əhval-ruhiyyəni yaxşılaşdıraraq stressi azaldır və dolayısı ilə cinsi istəyə müsbət təsir göstərə bilər.
Hidratasiya və enerji səviyyəsi
Ananasın yüksək su tərkibi bədəni nəmləndirərək enerjini qoruyur. Susuzluq yorğunluğa və cinsi performansın azalmasına səbəb ola bilər, buna görə də nəmlənmə səviyyəsinin qorunması libidoya dolayı yolla təsir edə bilər.
Təbii şirinləşdirici
Bəzi iddialara görə, ananasın istehlakı bədən mayelərinin iyinə və dadına təsir göstərə bilər. Bu sahədə elmi sübutlar məhdud olsa da, meyvələrin təbii şəkərlərlə zəngin olması bədənin daha xoş qoxu yaymasına kömək edə bilər.
Ananasın cinsi sağlamlıq problemlərinə sehrli həll olduğu iddia edilə bilməz, lakin onun qida tərkibi balanslaşdırılmış pəhrizin bir hissəsi kimi libidoya müsbət təsir göstərə bilər. Cinsi sağlamlığın qorunması üçün düzgün qidalanma, nəmləndirmə və sağlam həyat tərzi əsas rol oynayır. Davamlı problemlər yaşayan şəxslər isə pəhriz dəyişikliyi etməzdən əvvəl həkimlə məsləhətləşməlidir.
Tərcümə: Könül Oruc
