Yapon alimləri qəzəbi idarə etməyin asan yolunu tapıblar.
E-saglam.az xəbər verir ki, alimlər mənfi bir hadisəyə reaksiyanızı kağız parçasına yazıb, sonra kağızı cırmağı və ya tullamağı təklif edib. Bu barədə məqalə "Scientific Reports" jurnalında dərc olunub.
Təcrübədə tədqiqatçılar iştirakçılardan ictimai yerlərdə siqaret çəkmək kimi mühüm sosial məsələlərlə bağlı fikirlərini qısaca yazmağı xahiş ediblər. İştirakçılara məlumat verilib ki, onların yazısını Naqoya Universitetinin doktorantları qiymətləndirəcək. Könüllülərin yazdıqlarından asılı olmayaraq, onların hamısı intellekt, maraq, dostluq, məntiq və rasionallıq baxımından aşağı bal toplayıblar. Doktorantlar yazılanları belə şərh ediblər: “Təhsilli bir insanın belə düşünəcəyə sahib olmasına inana bilmirəm”.
Daha sonra iştirakçılardan onları emosional vəziyyətə gətirən şeylərə diqqət yetirərək qiymətləndirmə haqqında fikirlərini yazmaq tapşırılıb. Bir qrup könüllüdən yazdıqlarını zibil qutusuna atmaq və ya iş masasının üstündəki qovluğa qoymağı xahiş ediblər. Məlum olub ki, kağızı zibil qutusuna atan və ya xırdalayan insanların qəzəb səviyyəsi kağızı atdıqdan sonra azalıb. Eyni zamanda, yazdıqlarınızı saxlasanız, qəzəbin səviyyəsi bir qədər azalır. /publika.az
