Kərəviz, sağlam və aşağı kalorili bir tərəvəz olaraq bir çox faydalı xüsusiyyətlərə malikdir.
E-saglam.az xarici mediaya istinadən xəbər verir ki, tərkibində kalium, folat və C vitamini kimi ürək sağlamlığı üçün vacib olan minerallar var. Bu səbəbdən, kərəviz istehlakı bədəni vacib vitamin və minerallarla təmin etməklə yanaşı, qan təzyiqini tənzimləməyə də kömək edir. Həzmi asanlaşdıran liflə zəngin olduğu üçün qəbizliyin qarşısını alır və həzm sistemini dəstəkləyir.
Kərəvizin antioksidant xüsusiyyətləri bədəni sərbəst radikalların zərərlərindən qoruyur, hüceyrə zədələnməsinin qarşısını alır və qocalma əlamətlərini gecikdirir. İltihab əleyhinə təsirləri sayəsində oynaq ağrısı və revmatizm kimi problemlərin simptomlarını azaltmağa kömək edir. Həmçinin, aşağı kalorili və yüksək su tərkibli olması səbəbindən arıqlama prosesində faydalıdır, toxluq hissi yaradaraq çəkiyə nəzarət etməyə yardım edir.
Kərəvizi ləzzətli bir yemək halına gətirmək üçün sadə bir resept hazırlaya bilərsiniz. Kərəvizi doğrayıb, limonlu suda isladaraq qaralmasının qarşısını alın. Zeytun yağında yumşalana qədər soğanı qovurun, sonra kərəvizi əlavə edib qısamüddətli sote edin. Üzərinə su, duz və istiot əlavə edərək yavaş odda bişirin. İstəyə görə bir az şəkər və limon suyu əlavə edərək yeməyi tamamlayın. İsti halda qatıqla birlikdə servis edə bilərsiniz.
Bu dadlı və qidalı resepti qış aylarında tez-tez hazırlayıb həm sağlamlığınıza fayda verə, həm də ailəniz üçün yeni bir ləzzət təqdim edə bilərsiniz.
