Yeni “Döş Xərçəngi Həbi” sağqalma müddətini uzadır.
E-saglam.az xəbər verir ki, qabaqcıl mərhələlərdə istifadə edilən və Verzenio markası altında satılan Abemaciclib dərmanı erkən döş xərçəngində də effektiv nəticə göstərib.
Lilly Oncology şirkətinin 7 illik klinik sınağı göstərib ki, hormon reseptor-pozitiv (HR+), HER2-mənfi və limfa düyünlərinə yayılmış erkən döş xərçəngində bu həb residiv riskini əhəmiyyətli dərəcədə azaldır və ümumi sağ qalma müddətini artırır.
Mütəxəssislər bildirirlər ki, Verzenio hormon terapiyası ilə birlikdə tətbiq edildikdə hüceyrə bölünməsini ləngidir və xəstələrin həyatını uzadır. Sınaqda 5600-dən çox pasiyent iştirak edib.
FDA artıq bu dərmana prioritet baxış verib və mütəxəssislər onun “yüksək riskli erkən döş xərçəngi” üçün yeni standart müalicə ola biləcəyini deyirlər.
Tərcümə: Könül Oruc
