Yeni tədqiqat göstərir ki, daralmış koronar arteriyalardan çıxarılan yağ lövhələrinin təxminən 50%-dən çoxunda mikroplastik parçalar aşkar edilib.
E-saglam.az xəbər verir ki, Neapoldakı Kampaniya Universitetinin araşdırmasına görə, polietilen və PVC kimi plastiklər yağ lövhələrinin içində və makrofaqlar adlanan immun hüceyrələrdə mövcuddur.
Laboratoriya tədqiqatları göstərir ki, mikroplastiklər ürək hüceyrələrində iltihabı artırır, oksidləşdirici stress yaradır və ürəyin funksiyasını poza bilər. 34 aylıq izləmə zamanı mikroplastik aşkar edilən xəstələrdə infarkt və ölüm riskinin 4,5 dəfə yüksək olduğu müəyyən edilib.
Tədqiqatçılar bildirir ki, plastik məruz qalma ürək-damar xəstəlikləri üçün potensial risk faktorudur. Mikroplastiklərin və nanoplastikaların orqanizmə necə daxil olduğu və uzunmüddətli təsirləri hələ də öyrənilməlidir. Bu kəşf plastik çirklənmənin insan sağlamlığı üçün potensial təhlükəsini bir daha önə çıxarır.
Tərcümə: Könül Oruc
