Çoxları üçün bu vərdiş gündəlik həyatlarının bir hissəsinə çevrilib.
E-saglam.az xəbər verir ki, klinik psixoloq Anna Suxova hansı vərdişli hərəkətlərin çox vaxt itirdiyini, lakin əslində heç bir fayda vermədiyini izah etdi.
Bu, telefonunuzdakı bildirişləri daim yoxlamağa aiddir. Adətən, gələn mesajı oxumaq qərarı xəbərləri və digər əhəmiyyətsiz fəaliyyətləri oxumağa səbəb ola bilər.
Ekspertin sözlərinə görə, qısa bir fasilədən sonra beynin yenidən əvvəlki diqqət səviyyəsinə qayıtması üçün orta hesabla 8–15 dəqiqə vaxt lazımdır. Yəni, siz əslində 10 saniyəni yox, təxminən dörddə bir saatlıq dərin fokusunuzu itirirsiniz.
Tərcümə: Könül Oruc
